Vorstand
Hie gseht dir, wär dä Vorstand isch und lehret di Lüt chli uf angeri Art kenne.
Tinu
Co-Presidänt • Syt 2020 im Vorstand u itz Co-Presidänt.
Di schönscht Momänt aus Tigerfän? Woni mini Frou z'mitz im Langnauer Fänegge ha kenneglehrt
Zitrone- oder Pfirsechiischtee? Zitrone
Rot oder Gäub? Rot
Kontakt: Schick mr äs Mail
Wuschu
Co-Presidäntin • Äbefaus syt 2020 im Vorstand u zäme mitem Tinu Co-Presidäntin
Bier oder Kafi Beylis? Bier, gärn gnue
Was hesch us Ching wöue wärde? Tierlidokterin
Wär isch di Lieblingsgägner vo de Tigers? ZSC, wüui z Stadion so gärn umarme
Kontakt: Schick mr äs Mail
Tina
Vize-Presidäntin • Glich lang im Vorstand wie Wuschu u itz Vizepresidäntin
Koffere oder Rucksack? Rucksack, wüu me so gäbiger am d Wäut entdecke isch
Das fingt me i dire Chuchi immer: Ovo! U Ärdbeeri, gfrore oder früsch
z schönschte Hockeystadion näbscht dr Ilfishalle: z Anaheim (NHL). Sooo viu Paume umz Stadion u im WC glänzt dr Granitbode wine Spiegu
Kontakt: Schick mr äs Mail
Nadja
Finanzminischterin Es Jahr lenger aus di angere im Vorstand u immer Finanzminischterin u sit churzem nüm im Doppumamdat
Pommfrit mit Majo oder Ketschöp? Ketschöp
I ha no nid u würd no gärn? Bir Fyr vom Schwizermeischtertittu vo de Tigers drbi si
Wo würdsch iz grad id Ferie gah? Uf Schwede, wäg dr schöne Landschaft u em Hockey
Kontakt: Schick mr äs Mail
Sarah
Schriberin Syt 2021 im Vorstand u het z Sekretariat vor Nadja übernoh
Wenn bisch zerscht mau mit Hockey u de Tigers i Verbindig cho? Öppe mit eufi, wo mr vo Langnou wägzüglet si. Vorhär hani aube lieber Wetten dass…? gluegt.
Wele Drink bisch du? Gummibärli
Was isch z exotischte, wo du je gässe hesch? Fritierti Höigümper are Wiehnachtsfyr.
Kontakt: Schick mr äs Mail
Küsu
Bisitzer Ar HV 2022 i Vorstand gwäut u het d Mannequote grad uf ei Schlag verdopplet
Wie bisch du zu däm Amt cho?
I ha scho immer mau wöue Freiwilligearbeit mache, aber bi öpisem wo mi überzügt. U da ig vo däm Tigerfieber scho mis ganze Läbe lang nid wäg chume, het mi das amt haut grad packt.
Weli 3 Sache würdsch mit ufne einsami Insle näh?
Äs Motorboot, dasi zrügg ufds Feschtland chume … Gnue Bänzin u ä Sunneschirm.
Kontakt: Schick mr äs Mail
Pesche
Bisitzer Är geit viu ufd Uswärtsfahrte u repräsentiert dert dr Vorstand
Lieblingsspieler vo de Tigers?
Dr Harri Pesonen, wele süsch?!?
Hamburger oder Hotdog?
Am liebste beides :)
Weles Lied verbingsch du mit de Tigers und wiso?
Eye of the Tiger vo Survivor, das bringt viu Emotione und Nid a d Latte, nid a Pfoschte, das singe mir viu a de Uswärtsfahrte.
Kontakt: Schick mr äs Mail